1500 +

BKD Academy ត្រូវបានបង្កើតឡើងជាមួយ ចក្ខុវិស័យច្បាស់លាស់ ពោលគឺដើម្បីប្រែក្លាយជំនាញម៉ាឃិធិង និងជំនាញពាក់ព័ន្ធឱ្យក្លាយទៅជាស្តង់ដារ​មួយសម្រាប់កម្ពុជា ជាពិសេសនោះគឺផលិត​នូវធនធានមនុស្សដែលមានគុណវុឌ្ឍនិ៍ និងគុណភាពគ្រប់គ្រាន់ដើម្បីឆ្លើយតបទៅនឹងកំណើនសេដ្ឋកិច្ចដ៏ខ្លាំងក្លារបស់ប្រទេសកម្ពុជា។ យើងត្រូវបានបង្កើតឡើងដោយសារតែយើងមានបទពិសោធន៍ជាង 8 ឆ្នាំទៅលើវិស័យ digital marketing និងការបណ្ដុះបណ្ដាលនៅតាម​ស្ថាប័នឯកជន និងសមាគមធំៗនៅក្នុងប្រទេសកម្ពុជា។ មិនត្រឹមតែប៉ុណ្ណោះទេយើងបានប្រមូលផ្ដុំនូវគ្រូបង្វឹកល្បីៗលំដាប់ប្រទេសដែលសុទ្ធសឹងតែជាធនធានមនុស្សដ៏កម្រ​ពោពេញទៅដោយសមត្ថភាព និង​ទេពកោសលលើការបណ្ដុះបណ្ដាល​ ​សម្រាប់សម្រិតសម្រាំងនូវកម្មវិធីសិក្សាស្របទៅតាមបរិបទនៃការរៀនអនឡាញ ជាពិសេសគឺសម្រាប់ម្ចាស់អាជីវកម្ម ដែលស្ថិតនៅលើច្រកផ្លូវនៃបម្លាស់ប្ដូរ​បច្ចេកវិជ្ជា (digital transformation) នៅក្នុងស្ថាប័នរបស់ខ្លួន។

BKD Academy បទពិសោធន៍ជាង 8 ឆ្នាំនៅក្នុងវិស័យបណ្ដុះបណ្ដាលនិងនៅក្នុងវិស័យម៉ាឃិធិង​ ដែលបានបម្រើសហគ្រាសជាង ១៧០ សហគ្រាស និងបណ្ដុះបណ្ដាលដល់សិក្ខាកាមជាង 1.500 នាក់​នៅទូទាំងប្រទេស។ នេះមិនទាន់គិតដល់បទពិសោធន៍របស់គ្រូបង្វឹកឆ្នើមឆ្នើមផ្សេងៗទៀត ដែលសុទ្ធសឹងតែជាគ្រូបង្វឹកលំដាប់កំពូល​មាន​បទពិសោធន៍ជាង ១០ឆ្នាំឡើងយ៉ាងតិច ​មានសមត្ថភាព ទេពកោសល និងបទពិសោធន៍លើ​អាជីវកម្ម និង​ការដឹកនាំជាក់ស្ដែងផងដែរ។

កម្មវិធីរកបណ្ដាលនៅលើសាលាអនឡាញរបស់យើង គឺត្រូវបាន​សម្រិតសម្រាំង​យ៉ាងពិសេសពាក់ព័ន្ធនឹងការផ្ដល់នូវទស្សនៈទាន ទ្រឹស្ដី គោលការណ៍សកល ផ្សារភ្ជាប់ជាមួយនឹងការអនុវត្តជាក់ស្ដែងតែម្ដង។ អ្វីដែលជាមេរៀនរបស់យើងគឺជាអ្វីដែលកើតចេញពីបទពិសោធន៍ពិតៗ ហើយជាអ្វីដែលស្ថិតនៅក្នុងបរិបទសម្រាប់ប្រទេសយើង។ បើទោះបីជាមានគ្រូបង្វឹកខ្លះជាជនជាតិបរទេសប៉ុន្តែខ្លឹមសារ​នៃ កម្មវិធីបណ្ដុះបណ្ដាលរបស់គាត់គឺត្រូវតែ ​ស្ថិតនៅក្នុងក្របខណ្ឌនៃបរិបទ​ប្រទេសកម្ពុជា និងឆ្លើយតបបានយ៉ាងច្បាស់លាស់ទៅនឹង​បញ្ហាដែលសហគ្រាស និង​ផ្នែកវិជ្ជាជីវៈ​កំពុង​ប្រឈម។

ក្រៅពីទទួលបានឱកាសសិក្សាមេរៀនដល់ការអនុវត្តផ្សារភ្ជាប់ជាមួយនឹងទ្រឹស្ដីសិក្ខាកាមនឹងទទួលបាននូវវិញ្ញាបន
បត្តិបញ្ជាក់ការសិក្សា ក្លាយទៅជាសមាជិកនៃក្លឹបអ្នក​ Marketing ​ ទទួលបាននូវការធ្វើបច្ចុប្បន្នភាពជាប្រចាំខែអំពីវិស័យ marketing, digital branding និងវិស័យពាក់ព័ន្ធផ្សេងៗទៀតដែលចាំបាច់ឆ្លើយតបនឹងតម្រូវការបច្ចុប្បន្នតាមរយៈព្រឹត្តិបត្រព័ត៌មានអេឡិចត្រូនិក
របស់យើង។ ក្រៅពីនេះ យើងមានកម្មវិធីបណ្ដុះបណ្ដាលដោយផ្ទាល់និងជំនួបជាហូរហែដើម្បីពង្រីកបណ្ដាញទំនាក់ទំនងក៏ដូចជាចែករំលែកបទពិសោធន៍​ឲ្យគ្នាទៅវិញទៅមក។