យុទ្ធសាស្ត្រជំរុញទីផ្សារលើឌីជីថលដោយប្រើទិន្នន័យ (Data-Driven Digital Marketing Strategy) គឺ​ជា​កម្មវិធីបណ្ដុះបណ្ដាលពិសេសសម្រាប់បុគ្គលិកអាជីព ឬម្ចាស់អាជីវកម្ម ដើម្បីផ្ដល់​ការយល់ដឹងពីមូលដ្ឋានគ្រឹះនៃការធ្វើទីផ្សារឌីជីថលដោយផ្អែកលើទីន្នន័យដើម្បីជួយឲ្យ​ម្ចាស់អាជីវកម្ម និង​អ្នក​ធ្វើទីផ្សារងាយស្រួលតាមដាន និង​វាស់វែងប្រសិទ្ធភាពលទ្ធផលទីផ្សារដើម្បីចំណេញទាំងថវិកា និង​ធនធាន។  លោក ប្រាក់ ច័ន្ទសីហា មានបទពិសោធន៍ជាង ១០ឆ្នាំក្នុង​ជំនាញប្រព័ន្ធផ្សព្វផ្សាយ ជាអ្នក​ប្រឹក្សាយោបល់ឯករាជ្យការធ្វើទីផ្សារអនឡាញ និង​ការ​ធ្វើម៉ាឃិធិង​តាមបណ្ដាញសង្គម។ 

វគ្គសិក្សានេះសម្រាប់​ម្ចាស់អាជីវកម្ម អ្នក​ដែលទើបចាប់ផ្ដើមធ្វើទីផ្សារឌីជីថល ប្រធានគ្រប់គ្រងផ្នែកទីផ្សារ និស្សិតដែលចង់ចាប់យកជំនាញទីផ្សារឌីជីថល និង​អ្នកផ្សេងទៀត​ដែល​ចង់​ប្រកបការងារលើវិស័យទីផ្សារឌីជីថល។

អត្ថប្រយោជន៍ទទួលបាន៖ 
១) ចំណេញពេលវេលា និងថវិកា ព្រោះថា៖ 
1.1 ការធ្វើទីផ្សារដោយផ្អែកលើទិន្នន័យជួយឲ្យអាជីវកម្មអាច​តាមដាន និងវាស់វែងប្រសិទ្ធភាពនៃសកម្មភាពទីផ្សារ ជៀសវាងការប្រើ​ប្រាស់ធនធានខុសកន្លែង
1.2 អ្នកអាចវិភាគយល់ដឹងស៊ីជម្រៅពីអតិថិជនបានប្រសើរជាងមុន ដើម្បីស្វែងរក និង​បង្កើតឱកាសថ្មីៗ ដើម្បីទាញផលចំណេញបានច្បាស់លាស់ និង​ល្អប្រសើរ។
1.3 ជួយដល់​ការ​សម្រេច​ចិត្ត​ដែលមានព័ត៌មានគ្រប់ជ្រុងជ្រោយ​

២) កំណត់គោលដៅកាន់តែច្បាស់ដោយសារ៖ 
2.1 ទិន្នន័យដែលល្អជួយឲ្យអាជីវកម្មអាច​បែងចែកអតិថិជនរបស់ពួកគេទៅតាមឥរិយាបត និង​ចំណង់ចំណូលចិត្ត ដើម្បី​បង្កើតមាតិកា​ដែលត្រូវនឹងចំណូលចិត្ត និង​ត្រូវកាលៈទេសៈ។ 
2.2 អតិថិជនដែលទទួល​បាន​ ការផ្ដល់ជូនដែលត្រូវនឹងអ្វីដែលពួកគេចង់បាននឹងទិញពីអ្នកកាន់តែច្រើន ដែលនឹងជំរុញលទ្ធផលលក់កាន់តែខ្លាំងដូចគ្នា។